पंचगणी प्रतिनिधी
पंचगणीच्या विद्या निकेतन हायस्कूलमध्ये विद्यार्थ्यांच्या सर्वांगीण विकासासाठी एक अनोखा उपक्रम राबवण्यात आला. तब्बल २५० विद्यार्थ्यांनी दोन दिवसीय व्यक्तिमत्त्व विकास प्रशिक्षणात उत्स्फूर्त सहभाग घेतला. शाळेच्या सचिव सौ. स्वाती महेश बिरामणे यांच्या मार्गदर्शनाखाली झालेल्या या प्रशिक्षणात सुनंदा मॅडम यांनी विद्यार्थ्यांना वेळेचे नियोजन, तणाव व्यवस्थापन, संवादकौशल्य, नेतृत्वगुण, आत्मविश्वास आणि सर्जनशील विचार याबाबत मार्गदर्शन केले. विशेष म्हणजे, हे प्रशिक्षण केवळ चार भिंतींमधील व्याख्यान नव्हते…
खेळ, गटकार्य, चर्चा आणि विविध उपक्रमांच्या माध्यमातून विद्यार्थ्यांनी प्रत्येक कौशल्य प्रत्यक्ष अनुभवले! विद्यार्थ्यांच्या विचारांना मिळाली नवी दिशा… आत्मविश्वासाला मिळाली नवी उंची… आणि नेतृत्वगुणांना मिळाले नवे व्यासपीठ! दोन दिवसांच्या या प्रशिक्षणानंतर विद्यार्थ्यांनी दिलेला सकारात्मक प्रतिसादही या उपक्रमाचे यश अधोरेखित करणारा ठरला. कार्यक्रमाचा समारोप प्राचार्य अथर्व महेश बिरामणे यांच्या हस्ते झाला. “शिकलेली कौशल्ये फक्त परीक्षेत नाही, तर आयुष्याच्या प्रत्येक टप्प्यावर वापरा,” असा प्रेरणादायी संदेश त्यांनी विद्यार्थ्यांना दिला. विद्या निकेतनमध्ये शिक्षणासोबतच जीवनाची तयारी… कारण इथे फक्त विद्यार्थी घडत नाहीत… तर उद्याचे आत्मविश्वासू व्यक्तिमत्त्व घडते!
Author: Maharashtra News Marathi
